Qara dənizdə Türkiyə gəmilərinə PUA hücumu: Türkiyə XİN gərginliyin artmasının mənfi nəticələri barədə xəbərdarlıq etdi
Elpress.az xəbər verir ki, Türkiyəyə məxsus “Yaşar” və “Nadezhda” mülki gəmiləri Rusiyanın Novorossiysk limanını tərk etdikdən sonra pilotsuz uçuş aparatlarının (PUA) hücumuna məruz qalıb və hadisə nəticəsində Türkiyə vətəndaşları da daxil olmaqla ekipaj üyələri yaralanıb. Məsələ ilə bağlı bəyanat yayan Türkiyə Xarici İşlər Nazirliyi yaralıların vəziyyətinin diqqətlə izlənildiyini və vətəndaşların təhlükəsizliyinin əsas prioritet olduğunu bildirib.XİN müharibənin Qara dənizdə mülki gəmiçiliyə təsir edəcək şəkildə genişlənməsindən dərin narahatlığını ifadə edərək, qabaqlayıcı tədbirlər görülməzsə, bu gərginliyin ərzaq təhlükəsizliyi daxil olmaqla bir çox sahədə ciddi fəsadlar yaradacağını vurğulayıb. Türkiyə tərəfləri və aidiyyəti aktorları dənizdə naviqasiya təhlükəsizliyini təmin etmək üçün təxirəsalınmaz addımlar atmaya çağırıb.
