ABŞ-ın iri şirkətləri Trampın qeyri-kommersiya layihələrinə yüz milyonlarla dollar ayırıb
Elpress.az xəbər verir ki, ABŞ Prezidenti Donald Trampın qeyri-kommersiya təşəbbüsləri üçün ölkənin böyük şirkətlərindən 800 milyon dollardan artıq maliyyə vəsaiti cəlb edildiyi bildirilir.“The Wall Street Journal”ın məlumatına görə, ianələrin toplanmasını “Trump Media” şirkətinin direktorlar şurasının üzvü Meredit O`Rurk həyata keçirir.Layihələrə maliyyə dəstəyi verən şirkətlər arasında “SoftBank”, “Apple”, “Microsoft”, “Amazon” və “Meta” da yer alır. Bildirilir ki, “SoftBank” Trampın prezident kitabxanasının yaradılmasına 50 milyon dollardan çox vəsait ayırıb.“Apple”ın Ağ Evdə tikilməsi planlaşdırılan bal zalına təxminən 25 milyon dollar, “Microsoft” və “Amazon”un isə hər birinin təxminən 15 milyon dollar maliyyə dəstəyi verdiyi qeyd olunur. “Meta”nın da Trampın təşəbbüslərinə on milyonlarla dollar ayırdığı bildirilir.
