ABŞ prezidenti Donald Trampın gələn həftə Vaşinqtonda Ukrayna prezidenti Volodimir Zelenski ilə görüşü planlaşdırılır.
Elpress.az xəbər verir ki, bu barədə Ağ Ev rəsmisinə istinadən “Reuters” məlumat yayıb.Bildirilib ki, görüşün çərşənbə axşamı keçirilməsi nəzərdə tutulur.
Lakin Zelenskinin ABŞ-a səfəri Donald Trampın iş qrafikinin yekun təsdiqindən asılı olacaq.Məlumata görə, görüş ABŞ və Ukrayna rəsmilərinin Rusiya prezidenti Vladimir Putinə təqdim olunacaq hava məkanında atəşkəs təklifi üzərində işlədiyi dövrə təsadüf edir. Daha əvvəl irəli sürülən oxşar təşəbbüslər Moskva tərəfindən qəbul edilməsə də, Ukraynanın son hərbi əməliyyatlarının Rusiyaya təzyiqi artırdığı qeyd olunur.
Qeyd edilib ki, Volodimir Zelenski Vaşinqtona səfəri çərçivəsində Ukraynanın fəal tərəfdarlarından olmuş və bu yaxınlarda vəfat edən amerikalı senator Lindsi Qrehemin dəfn mərasimində də iştirak etməyi planlaşdırır.
