Şeybani: İsrailin hücumlarına baxmayaraq, Suriya danışıqlara sadiqdir
Elpress.az xəbər verir ki, Suriya İsrailin davam edən hücumlarına baxmayaraq, tərəflər arasında diplomatik həllin əldə olunması üçün səylərini davam etdirir. Suriyanın xarici işlər naziri Əsəd əl-Şeybani bildirib ki, Dəməşq İsraillə münasibətlərin normallaşdırılması və mövcud problemlərin diplomatik yollarla həlli istiqamətində iş aparır.Nazirin sözlərinə görə, İsrailin Suriyaya qarşı hücumları davam edir. O qeyd edib ki, yalnız iyul ayında 65 belə hadisə qeydə alınıb, avqustun ilk 18 günündə isə hücumların sayı 52 olub.Şeybani Suriyanın diplomatik həll yoluna sadiq qaldığını və bu istiqamətdə ciddi səylər göstərdiyini vurğulayıb. O, həmçinin İsrail tərəfindən bu il 147 suriyalının saxlanıldığını, onlardan 49-nun hələ də həbsdə olduğunu bildirib.Xarici işlər naziri əlavə edib ki, hazırda ABŞ-ın vasitəçiliyi ilə İsraillə danışıqlar aparılır.
