Pezeşkian bildirib ki, İran hər cür təhdid qarşısında qətiyyətlə dayanacaq və geri addım atmayacaq.
İran Prezidenti Məsud Pezeşkian ABŞ Prezidenti Donald Trampın İranın infrastruktur obyektlərinin hədəfə alınması ilə bağlı səsləndirdiyi təhdidlərə münasibət bildirərək qeyd edib ki, nəqliyyat şəbəkəsindən başlayaraq elektrik və su sənayesinə qədər ölkənin həyati əhəmiyyət daşıyan obyektlərinin hədəfə alınması güc nümayişi deyil, əksinə bir xalqın iradəsi qarşısında acizliyin göstəricisidir. Onun sözlərinə görə, İran öz mütəxəssislərinin bilik və bacarığına, eləcə də milli birlik və xalq həmrəyliyinə arxalanaraq istənilən təzyiq və təhdidə qarşı qətiyyətlə dayanmağa davam edəcək. Pezeşkian bu fikirləri “X” sosial şəbəkəsində paylaşımında vurğulayıb.
