İran ABŞ-ın Yaxın Şərqdəki hərbi bazalarının əvvəlki vəziyyətinə qayıtmasına icazə verməyəcəyini açıqlayıb.
Elpress.az xəbər verir ki, bu barədə İran ordusunun komandanı, general-leytenant Əmir Hatəmi “Tasnim” agentliyinə açıqlamasında bildirib.Onun sözlərinə görə, ABŞ hərbi bazalarının əvvəlki fəaliyyət rejiminə qayıtması mümkün deyil və İran buna yol verməyəcək.
General-leytenant qeyd edib ki, ABŞ artıq Hörmüz boğazından kənarlaşdırılıb. O, həmçinin Vaşinqtonun Fars körfəzi, Oman dənizi və Hörmüz boğazına daxil olmasına icazə verilmədiyini bildirib.Xatırladaq ki, ABŞ və İsrailin İrana qarşı hərbi əməliyyatları fonunda bölgədə gərginlik artıb. Tərəflər arasında əldə olunan razılaşmalara baxmayaraq, sonrakı mərhələdə qarşılıqlı ittihamlar davam edib.
İran Xarici İşlər Nazirliyinin nümayəndəsi İsmayıl Bəqai isə daha əvvəl İran və Oman arasında Hörmüz boğazından keçən yeni marşrutla bağlı koordinasiyanın aparıldığını açıqlayıb. O, boğazın açılmasının ABŞ-ın bölgədəki addımlarından asılı olduğunu bildirib.
