Avropada tətbiqi nəzərdə tutulan yeni sərhəd nəzarət sistemi hava nəqliyyatında ciddi problemlər yarada bilər.
Elpress.az xəbər verir ki, Beynəlxalq Hava Nəqliyyatı Assosiasiyasının (IATA) Avropa üzrə regional vitse-prezidenti Rafael Schvartzman bildirib ki, Avropa Giriş-Çıxış Sistemi (EES) aviasiya sektoru üçün narahatlıq doğurmaqda davam edir.Onun sözlərinə görə, artıq bir sıra Avropa ölkələrində reyslərin əlaqələndirilməsi zamanı gecikmələr və fasilələr qeydə alınır. Yay mövsümündə sərnişin axınının artacağı nəzərə alınarsa, vaxtında tədbir görülmədiyi halda vəziyyət daha da mürəkkəbləşə bilər.IATA rəsmisi hesab edir ki, sərhəd-keçid məntəqələrində işçi qüvvəsinin artırılması, özünəxidmət terminallarının fasiləsiz fəaliyyəti və sistemin bütün Avropa üzrə vahid şəkildə tətbiqi vacibdir.Qeyd olunub ki, yeni sistemin effektiv işləməsi həm sərnişin rahatlığı, həm də hava nəqliyyatında dayanıqlığın qorunması baxımından mühüm əhəmiyyət daşıyır.
