Aysel Əlibəyli
22 Sentyabr 2026 · 11:04
1154 baxış
Elpress.az xəbər verir ki, sentyabr ayı üzrə pensiya ödənişləri ölkə ərazisində tam yekunlaşdırılıb.
Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu tərəfindən həyata keçirilən ödənişlər mərhələli şəkildə aparılıb.
Belə ki, sentyabrın 8-də Naxçıvan Muxtar Respublikasında, sentyabrın 11-də isə Bakı və Sumqayıt şəhərləri, eləcə də Abşeron rayonu üzrə pensiyalar ödənilib.
Bu gün isə Azərbaycanın digər bölgələrində qeydiyyatda olan şəxslərin sentyabr ayı üzrə pensiyaları köçürülüb. Eyni zamanda, güzəştli şərtlərlə təyin olunan pensiyaların ödənişi də həyata keçirilib.
Beləliklə, ölkə üzrə sentyabr ayının pensiya ödənişləri tam başa çatıb.
