Aysel Əlibəyli
02 Sentyabr 2026 · 22:20
1030 baxış
Elpress.az xəbər verir ki, aparılacaq təmir işləri ilə əlaqədar Binəqədi rayonunda Moskva prospektinin kənar yolunun Biləcəri enişi istiqamətində nəqliyyat vasitələrinin hərəkəti müvəqqəti dayandırılacaq.
Azərbaycan Avtomobil Yolları Dövlət Agentliyindən bildirilib ki, məhdudiyyət 4 sentyabr saat 20:00-dan qüvvəyə minəcək.Hərəkət yolun təmiri başa çatdırılanadək bağlı saxlanılacaq.
Sürücülərdən sözügedən müddətdə alternativ marşrutlardan istifadə etmələri və yol təsərrüfatı işlərinin aparılması ilə bağlı tətbiq edilən məhdudiyyətlərə anlayışla yanaşmaları xahiş olunur.
