Elpress.az xəbər verir ki, ambulator tibbi xidmət göstərən həkimlərin əməkhaqqının hesablanmasında yeni yanaşma tətbiq olunur.
Dəyişikliklə həkimlərin əlavə ödənişlərinin yalnız göstərilən xidmətlərin sayına deyil, həm də pasiyent məmnuniyyəti və tibbi xidmətin keyfiyyətinə bağlanması nəzərdə tutulur.Yeni sistemdə hər pasiyentə görə hesablanan kiçik faizli ödənişlərin əvəzinə həkimlər üçün aylıq qəbul göstəricisinə uyğun sabit əlavə ödəniş müəyyənləşdiriləcək.
TƏBİB-in məlumatına əsasən, Bakı, Sumqayıt, Gəncə və Abşeron üzrə ambulator qəbul aparan həkimlər üçün əlavə ödənişlər belə olacaq:
Gündəlik orta pasiyent sayı Aylıq əlavə ödəniş
22 pasiyent 1 200 manat
30 pasiyent 1 600 manat
36 pasiyent 1 800 manat
Beləliklə, məsələn, poliklinikada çalışan həkim gündə orta hesabla 30 pasiyent qəbul edərsə, vəzifə maaşından əlavə 1 600 manat əldə edə bilər.Yeni mexanizmin əsas məqsədlərindən biri tibbi xidmətin daha pasiyentyönümlü qurulmasıdır. Eyni zamanda, həkimlərin göstərdikləri xidmətin keyfiyyətinə görə daha yüksək maddi həvəsləndirilməsi nəzərdə tutulur.
TƏBİB bildirir ki, xidmətin keyfiyyəti və pasiyent məmnunluğu nə qədər yüksək qiymətləndirilərsə, həkimin əldə etdiyi əlavə ödəniş də bir o qədər artacaq.Bu yanaşmanın həkimləri pasiyentlərlə daha diqqətli və keyfiyyətli ünsiyyət qurmağa, göstərilən tibbi xidmətin səviyyəsini yüksəltməyə təşviq edəcəyi gözlənilir.
