Azərbaycan Səhiyyə İşçiləri Həmkarlar İttifaqı Respublika Komitəsi tərəfindən əməyin mühafizəsi sahəsində həyata keçirilən tədbirlər çərçivəsində Səbail rayonu üzrə tibb müəssisələrində çalışan əməyin mühafizəsindən məsul şəxslər üçün maarifləndirici təlim təşkil olunub.
Təlim zamanı iştirakçılara əməyin mühafizəsi sahəsində qüvvədə olan qanunvericiliyin tələbləri, iş yerlərində təhlükəsiz və sağlam əmək şəraitinin təşkili, peşə risklərinin qiymətləndirilməsi və fərdi mühafizə vasitələrindən düzgün istifadə qaydaları barədə ətraflı məlumat verilib.Bununla yanaşı, ilkin tibbi yardımın göstərilməsi prinsipləri, yanğın təhlükəsizliyi qaydaları, yanğın risklərinin qarşısının alınması üsulları, yanğınsöndürmə vasitələrindən istifadə və təxliyə prosedurları iştirakçıların diqqətinə çatdırılıb.Təlim çərçivəsində nəzəri biliklərlə yanaşı, praktiki məşğələlər də keçirilib və iştirakçıların sualları cavablandırılıb. Tədbirin əsas məqsədi tibb müəssisələrində əməyin mühafizəsi və təhlükəsizlik mədəniyyətinin daha da gücləndirilməsidir.
