ABŞ administrasiyası Rusiya dizel yanacağının tədarükünə imkan verən razılaşmanı Moskvanı Ukrayna ilə müharibəni bitirməyə təşviq edən vasitə kimi təqdim edir.
Elpress.az xəbər verir ki, ABŞ-nin energetika naziri Kris Rayt CNN-ə müsahibəsində Prezident Donald Trampın bu addımının Rusiyaya güzəşt deyil, münaqişənin başa çatdırılması üçün stimul olduğunu bildirib.
Nazirin sözlərinə görə, Rusiyanın ixrac üçün əlavə dizel yanacağı əldə etməsi Ukrayna ilə müharibənin dayandırılması ilə əlaqələndirilir. O, ABŞ-nin Rusiya neftinə qarşı tətbiq etdiyi sanksiyaları yumşaltmadığını, istisnanın yalnız dizel yanacağının tədarükünə aid olduğunu vurğulayıb.
Məlumata əsasən, Tramp oktyabrın 9-da Rusiya dizel yanacağının ABŞ və dünya bazarlarına genişmiqyaslı tədarükü ilə bağlı razılaşma elan edib. Həmin gün ABŞ Maliyyə Nazirliyi Rusiya dizel yanacağının qlobal bazara çıxarılmasına icazə verib və bu tədarükü 7 aprel 2027-ci ilədək sanksiyalardan müvəqqəti azad edib.
