Aysel Əlibəyli
11 Avqust 2026 · 15:05
1050 baxış
İrakli Kobaxidze: Ərazilərin “müstəqilliyi” tanındığı müddətcə Rusiya ilə diplomatik əlaqələr bərpa olunmayacaq
Elpress.az xəbər verir ki, Gürcüstanın Baş naziri İrakli Kobaxidze jurnalistlərə açıqlamasında bildirib ki, Rusiya tərəfindən Abxaziya və Cənubi Osetiyanın “müstəqillik”lərinin tanınması faktı qaldığı müddətcə iki ölkə arasında diplomatik münasibətlərin bərpası mümkün deyil. Baş nazir ölkənin əsas xarici siyasət prioritetlərindən birinin münaqişənin sülh yolu ilə həlli olduğunu vurğulayıb. Xatırladaq ki, 2008-ci ilin avqust müharibəsindən sonra Tbilisi Moskva ilə diplomatik əlaqələri kəsib. Rusiya XİN isə münasibətləri bərpa etməyə hazır olduğunu dəfələrlə bəyan edib.
