Elpress.az xəbər verir ki, Azərbaycan Türk Forumunun (ATF) onlayn açılış mərasimi keçirilib.
Tədbir 15 sentyabr – Bakının 1918-ci ildə azad edilməsi ilə bağlı tarixi günün ildönümündə təşkil olunub. Forumun Təşkilat Komitəsinin təşəbbüsü ilə baş tutan onlayn mərasimdə müxtəlif dost və həmfikir şəxslər iştirak ediblər.Açılış zamanı Azərbaycan Türk Forumunun qarşıya qoyduğu məqsədlər, fəaliyyət istiqamətləri və gələcəkdə həyata keçirilməsi planlaşdırılan işlər ətrafında fikir mübadiləsi aparılıb.Təşkilat Komitəsi tədbirə qatılan iştirakçılara təşəkkürünü bildirib və Forumun qarşıdakı fəaliyyətində uğurlar arzulayıb.
Qeyd edək ki, Azərbaycan Türk Forumunun fəaliyyətində Azərbaycan və türk dünyası arasında əlaqələrin inkişafına yönəlmiş təşəbbüslərin ön plana çıxarılması nəzərdə tutulur.
