Aysel Əlibəyli
19 May 2026 · 10:53
41 baxış
WUF13-ün Bakıda təşkili Azərbaycanın beynəlxalq diplomatiya mərkəzi kimi mövqeyinin növbəti dəfə təsdiqləndiyini göstərir.
Elpress.az-ın azertac.az-a istinadən verdiyi məlumata əsasən, deputat Nigar Arpadarai bildirib ki, WUF13-ün Bakıda keçirilməsi Azərbaycanın beynəlxalq nüfuzunun, eləcə də paytaxtın qlobal diplomatik mərkəz kimi mövqeyinin növbəti göstəricisidir. Onun sözlərinə görə, Prezident İlham Əliyevin həyata keçirdiyi xarici siyasət nəticəsində ölkə mühüm beynəlxalq platformaların aparıcı iştirakçısına çevrilib. Deputat həmçinin vurğulayıb ki, forum Qarabağda aparılan müasir bərpa və yenidənqurma işlərinin beynəlxalq ictimaiyyətə təqdim olunması baxımından da böyük əhəmiyyət daşıyır.
