Moskva Cənubi Qafqaz Dəmir Yolu ilə bağlı öhdəliklərini yerinə yetirdiyini açıqlayıb
Elpress.az xəbər verir ki, Rusiya Ermənistanla Cənubi Qafqaz Dəmir Yolu sahəsində əməkdaşlığı əvvəlki qaydada davam etdirir və bu istiqamətdə üzərinə götürdüyü öhdəlikləri yerinə yetirir. Bunu Rusiyanın nəqliyyat naziri Andrey Nikitin açıqlayıb.Nazir bildirib ki, Ermənistan tərəfindən dəmir yolu ilə bağlı vaxtaşırı müxtəlif bəyanatlar səsləndirilsə də, İrəvan Moskva ilə mövcud əməkdaşlıqdan rəsmi şəkildə imtina etməyib. Onun sözlərinə görə, bu səbəbdən Rusiya tərəfi fəaliyyətini əvvəlki kimi davam etdirir.Nikitin qeyd edib ki, Ermənistan hələlik heç bir rəsmi imtina barədə Rusiyaya məlumat verməyib və Moskva bütün öhdəliklərini icra etməkdə davam edir.Qeyd edək ki, Ermənistanın Baş naziri Nikol Paşinyan daha əvvəl ölkəsinin Rusiya Dəmir Yollarının törəmə şirkətinin idarə etdiyi dəmir yolu konsessiyasının üçüncü ölkəyə satılmasını istədiyini bildirib. Ermənistanın dəmir yolu sistemi 2008-ci ildə 30 illik müqavilə əsasında Rusiyanın idarəçiliyinə verilib.Paşinyanın sözlərinə görə, konsessiyanın başqa ölkəyə satılması Ermənistanın beynəlxalq dəmir yolu şəbəkəsinə inteqrasiyası baxımından yaranan imkanlardan yararlanması üçün əhəmiyyətlidir.
