Dövlətçilik əleyhinə ağır cinayətlərdə ittiham olunan Prezident Administrasiyasının sabiq rəhbəri Ramiz Mehdiyev barəsində seçilmiş qətimkan tədbirinin müddəti artırılıb.
Elpress.az “Qafqazinfo”ya istinadən xəbər verir ki, Dövlət Təhlükəsizliyi Xidməti (DTX) bununla bağlı məhkəməyə müraciət edib.İstintaq orqanı bildirib ki, genişhəcmli cinayət işi üzrə araşdırmalar hələ yekunlaşmayıb və əlavə sübutların toplanmasına ehtiyac var. Bu səbəbdən təqsirləndirilən şəxs barəsində tətbiq edilən ev dustaqlığı qətimkan tədbirinin uzadılması istənilib.Səbail Rayon Məhkəməsi təqdim olunan vəsatəti təmin edərək Ramiz Mehdiyevin ev dustaqlığında qalma müddətini daha 5 ay artırıb.Xatırladaq ki, sabiq vəzifəli şəxs təxminən 8 ay əvvəl cinayət məsuliyyətinə cəlb olunub. Ona dövlətə xəyanət, hakimiyyətin zorla ələ keçirilməsinə yönələn əməllər və cinayət yolu ilə əldə edilmiş vəsaitlərin leqallaşdırılması ilə bağlı ittihamlar irəli sürülüb.
