Prezident Hərbi Dəniz Qüvvələrində istehsal olunan insansız dəniz vasitələrinin sınaqlarını izləyib
Elpress.az xəbər verir ki, Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva Hərbi Dəniz Qüvvələrində olublar.Səfər zamanı müdafiə naziri, general-polkovnik Zakir Həsənov dövlət başçısına raport verib. Daha sonra Prezident İlham Əliyev və Mehriban Əliyeva Hərbi Dəniz Qüvvələrinin qərargahı qarşısında Ulu Öndər Heydər Əliyevin abidəsini ziyarət edərək önünə gül dəstələri qoyublar.Dövlət başçısına Hərbi Dəniz Qüvvələrinin istehsalat sahəsində hazırlanan yeni insansız dəniz vasitələri barədə məlumat təqdim olunub. SALVO silahlı insansız dəniz vasitələri və KAYRA kamikadze tipli insansız dəniz vasitələrinin təyinatı, eləcə də onların taktiki-texniki göstəriciləri barədə təqdimat keçirilib.Prezident və birinci xanım istehsalat sahəsində görülən işlərlə tanış olub, daha sonra hazırlanan insansız dəniz vasitələrinin praktiki sınaqlarını izləyiblər.Səfərin sonunda İlham Əliyevin sədrliyi ilə hərbi quruculuq məsələlərinin müzakirə olunduğu operativ müşavirə keçirilib.
