Aysel Əlibəyli
01 Sentyabr 2026 · 10:59
1034 baxış
Azərbaycan Prezidenti İlham Əliyevin Qırğızıstanın paytaxtı Bişkekdə Türkiyə Prezidenti Rəcəb Tayyib Ərdoğanla görüşü keçirilib.
Elpress.az xəbər verir ki, görüşdə Azərbaycan-Türkiyə münasibətlərinin hazırkı vəziyyəti və inkişaf perspektivləri müzakirə olunub.
Tərəflər iki ölkə arasında dostluq, qardaşlıq və müttəfiqlik əlaqələrinin daha da möhkəmləndirilməsinin vacibliyini vurğulayıblar. Görüş zamanı qarşılıqlı maraq doğuran digər məsələlər ətrafında da fikir mübadiləsi aparılıb.
Görüş Prezident İlham Əliyevin Qırğızıstana işgüzar səfəri çərçivəsində baş tutub.
