Azərbaycan Prezidenti İlham Əliyev və birinci xanım Mehriban Əliyevanın Qırğızıstanın paytaxtı Bişkekdə keçirilən 6-cı Dünya Köçəri Oyunlarının açılış mərasimində iştirakı ilə bağlı sosial şəbəkə hesablarında paylaşım edilib.
Elpress.az xəbər verir ki, dövlət başçısının sosial şəbəkə hesablarında yayımlanan paylaşımda açılış mərasimindən görüntülər yer alıb.6-cı Dünya Köçəri Oyunları Qırğızıstanın ev sahibliyi ilə müxtəlif ölkələrdən idmançıları bir araya gətirən beynəlxalq tədbirdir. Oyunlarda milli və ənənəvi idman növləri üzrə yarışlar keçirilir.Tədbir həmçinin türk xalqlarının ortaq mədəni irsinin, milli adət-ənənələrinin və idman mədəniyyətinin təbliği baxımından mühüm platforma hesab olunur.
Açılış mərasimində iştirak edən nümayəndə heyətləri və dövlət rəsmiləri ilə yanaşı, müxtəlif ölkələrdən gələn idmançılar da tədbirdə yer alıblar.
