28 yaşlı Lana Rouz övladının gələcəyi üçün şəxsi videolarını internetdən sildirməyə çalışır
Elpress.az xəbər verir ki, Keçmiş böyüklər üçün film aktrisası, 28 yaşlı Lana Rouz gənclik illərində çəkildiyi videoları internet məkanından tamamilə təmizləmək üçün hüquqi mübarizəyə başlayıb. O, 19 yaşında ikən maddi çətinliklər və yoxsulluq səbəbindən bu sahəyə addım atdığını və 400-dən çox videoda yer aldığını bildirib.Rouz böyüyən oğlunun internetdə bu kontentlə qarşılaşmasını istəmədiyini və övladının anası ilə qürur duymasını arzuladığını vurğulayıb. Bütün kontentlərin silinməsi üçün istehsalçı şirkətlərə müraciət etsə də, müəllif hüquqlarının studiyalara məxsus olması səbəbindən ciddi maneələrlə qarşılaşır. Keçmiş aktrisa rəqəmsal dünyada bir dəfə paylaşılan məlumatların silinməsinin demək olar ki, imkansız olduğunu acı şəkildə anladığını qeyd edib.
