Milli Elmi Kitabxanada Azərbaycan Ordusunun tarixi və qəhrəmanlıq salnaməsini əks etdirən xüsusi sərgi təşkil olunub
Azərbaycan Milli Elmlər Akademiyasının (AMEA) Mərkəzi Elmi Kitabxanasında 26 İyun – Silahlı Qüvvələr Günü münasibətilə xüsusi sərgi təşkil edilib.Sərgidə Azərbaycan ordusunun quruculuq yolu, hərb tarixi, milli qəhrəmanlıq nümunələri və Vətən müdafiəsi mövzularını əks etdirən müxtəlif nəşrlər ziyarətçilərə təqdim olunub.Tədbir çərçivəsində MEK-in fondlarında qorunan “Heydər Əliyev və Qarabağ”, “Heydər Əliyev ideyalarının zəfər yürüşü”, “İlham Əliyev və zəfər tariximizin şanlı səhifələri”, “Zəfər yolu”, “Vətən müharibəsinin 44 günlük Zəfər salnaməsi”, “Azərbaycan Ordusunun tarixi” beşcildliyi və digər dəyərli nəşrlər nümayiş etdirilib.Sərgidə təqdim olunan kitablarda Azərbaycan ordusunun inkişaf mərhələləri, ordu quruculuğu sahəsində görülən işlər, Vətən müharibəsi zamanı göstərilən qəhrəmanlıqlar və tarixi qələbə ilə bağlı məlumatlar geniş şəkildə əks olunub.Təşkil olunan sərgi Silahlı Qüvvələr Gününün əhəmiyyətini, Azərbaycanın hərb tarixini və milli-mənəvi dəyərləri təbliğ etmək məqsədi daşıyır.
