İyunun 23-də Prezident Kitabxanasında Ailə, Qadın və Uşaq Problemləri üzrə Dövlət Komitəsinin təşkilatçılığı ilə “Uşaqlar və hüquq” adlı maarifləndirici kitabın təqdimatı keçirilib.
Elpress.az-ın Azərtac.az-a istinadən verdiyi məlumata əsasən, Kitab uşaqların yaş və anlama səviyyəsi nəzərə alınaraq hazırlanıb və hüquqi biliklər bədii və həyati nümunələr əsasında qısa hekayələr şəklində təqdim olunur. Nəşrin əsas məqsədi uşaqlarda hüquqi maarifləndirməni gücləndirmək, onların hüquq və məsuliyyətlər barədə məlumatlılığını artırmaqdır.Təqdimatda çıxış edən Bahar Muradova bildirib ki, uşaqların hüquqlarının müdafiəsi və hüquqi maarifləndirilməsi istiqamətində ardıcıl işlər aparılır və belə nəşrlər bu prosesə mühüm töhfə verir.Kitabın müəllifi Abil Bayramov isə qeyd edib ki, məqsəd uşaqlarda hüquqi düşüncə və ümumbəşəri dəyərlərin formalaşdırılmasıdır.Tədbirdə həmçinin digər rəsmi şəxslər və ictimaiyyət nümayəndələri iştirak edib, kitabın uşaqların hüquqi biliklərinin inkişafında mühüm rol oynayacağı vurğulanıb.
