Tərtər şəhərində 1 İyun – Uşaqların Beynəlxalq Müdafiəsi Günü ilə bağlı şəhid və qazi övladları üçün bayram tədbiri keçirilib.
Elpress.az-ın Qafqazinfo.az-a istinadən verdiyi məlumata əsasən, Tədbirdə millət vəkili Anar Məmmədov, Tərtər Rayon İcra Hakimiyyətinin başçısı Müstəqim Məmmədov və Qarabağ Regional Təhsil İdarəsinin müdiri Sənan Mənsimli iştirak ediblər. Rəsmilər uşaqları bayram münasibətilə təbrik edərək onlara gələcək həyat və təhsillərində uğurlar arzulayıblar.Şəhid və qazi ailələrinə göstərilən dövlət qayğısının davamı kimi təşkil olunan tədbirdə 100-ə yaxın şəhid və qazi övladı bir araya gələrək xoş və rəngarəng anlar yaşayıb. Əlamətdar gün çərçivəsində millət vəkili tərəfindən uşaqlara bayram əhval-ruhiyyəsini artıran müxtəlif dəyərli hədiyyələr təqdim olunub.Tədbir müddətində uşaqların asudə vaxtlarının səmərəli və xoş keçməsi üçün hər cür şərait yaradılıb, onlara xüsusi diqqət və qayğı göstərilib.
