BP hesabatı: Azərbaycan-Gürcüstan-Türkiyə regionu üzrə yerli xərclər 1 milyard dolları keçdi
Elpress.az xəbər verir ki, BP şirkətinin Azərbaycandakı fəaliyyətinə dair 2026-cı ilin birinci yarısının nəticələrinə əsasən, Azərbaycan-Gürcüstan-Türkiyə (AGT) regionu üzrə yerli şirkətlərlə birbaşa və regiondakı xarici podratçılarla imzalanmış müqavilələr üzrə xərclər 1 004,5 milyon ABŞ dolları təşkil edib. Bu göstərici keçən ilin müvafiq dövrü ilə müqayisədə 30% artım deməkdir.Hesabat dövründə şirkət yerli tərəfdaşı olan 17 birgə müəssisə çərçivəsində 421,7 milyon dollar, 67 xarici podratçının ölkə daxilindəki məsrəflərinə 251,4 milyon dollar, 248 kiçik və orta müəssisə üzrə 297,2 milyon dollar, 30 dövlət şirkəti üzrə isə 34,2 milyon dollar xərcləyib.
