İyulda 1 257 kommersiya qurumu dövlət qeydiyyatına alınıb
Elpress.az xəbər verir ki, Azərbaycanda qeydiyyatda olan kommersiya qurumlarının sayında artım davam edir.Dövlət Vergi Xidmətinin məlumatına görə, avqustun 1-nə ölkədə 211 595 kommersiya qurumu dövlət qeydiyyatında olub. Bu, ötən ilin eyni dövrü ilə müqayisədə 6,7 faiz çoxdur.Təkcə iyul ayında 1 257 kommersiya qurumu qeydiyyata alınıb. Yeni yaradılan müəssisələrin 86,1 faizini yerli, 13,9 faizini isə xarici investisiyalı qurumlar təşkil edib. Onların 82,7 faizi elektron formada qeydiyyatdan keçirilib.2026-cı ilin ilk yeddi ayında yerli investisiyalı məhdud məsuliyyətli cəmiyyətlərin elektron qeydiyyatının payı isə 97,1 faiz təşkil edib.Avqustun 1-nə dövlət qeydiyyatında olan kommersiya hüquqi şəxslərin 92,2 faizi MMC formasında yaradılıb.
