Azərbaycanın Qırğızıstana ixracında avtomobil, şəkər və tütün məhsulları üstünlük təşkil edib
Elpress.az xəbər verir ki, 2026-cı ilin ilk yarısında Azərbaycanla Qırğızıstan arasında ticarət dövriyyəsi 28,9 milyon dollara yaxın olub.Millət vəkili Vüqar Bayramovun açıqladığı statistikaya əsasən, bu müddətdə Azərbaycan Qırğızıstana 25,57 milyon dollar dəyərində məhsul ixrac edib, Qırğızıstandan ölkəmizə idxal isə 3,4 milyon dollar təşkil edib.Azərbaycanın ixrac etdiyi əsas məhsullar arasında 11,96 milyon dollar dəyərində 24 ədəd minik avtomobili, 3,46 milyon dollarlıq şəkər və 1,5 milyon dollarlıq tütün məhsulları yer alıb. Bundan başqa, nasos-kompressor boruları, lak və boyaq maddələri, elektrik avadanlıqları və bitki yağları da Qırğızıstana göndərilib.Qırğızıstandan Azərbaycana isə əsasən qabığı təmizlənmiş yunan qozu, makaron məmulatları və parça idxal olunub.Azərbaycanın Qırğızıstanla ticarətdə ilk altı ay üzrə 22,2 milyon dollarlıq müsbət saldo əldə etdiyi bildirilir. Vüqar Bayramov iki ölkə arasında iqtisadi əməkdaşlığın və məhsul çeşidlərinin artırılması üçün geniş imkanların olduğunu qeyd edib.
