Aysel Əlibəyli
02 İyun 2026 · 16:58
87 baxış
Azərbaycan cari ildə bilyard üzrə iki nüfuzlu beynəlxalq turnirə ev sahibliyi etməyə hazırlaşır.
Azərbaycan Bilyard Federasiyasından bildirilib ki, sərbəst piramida növü üzrə Avropa Kuboku və Avropa çempionatı paytaxt Bakıda təşkil ediləcək.Məlumata əsasən, Avropa Kuboku iyulun 5-dən 8-dək 40 yaşdan yuxarı bilyardçılar arasında keçiriləcək. Ardınca isə iyulun 8-12-də Avropa çempionatı təşkil olunacaq.Qeyd edək ki, hər iki beynəlxalq yarış Gənclər və İdman Nazirliyi, Azərbaycan Bilyard Federasiyası və Avropa Piramida Federasiyası tərəfindən “Strike for Glory!” şüarı altında reallaşdırılacaq.
