Rumıniyanın Konstansa limanında baş verən partlayışa səbəb olan pilotsuz dəniz aparatının Ukraynaya aid olduğu bildirilib.
Elpress.az xəbər verir ki, bu barədə Ukrayna Hərbi Dəniz Qüvvələrinin mətbuat xidməti məlumat yayıb.Açıqlamada qeyd olunub ki, Qara dənizdə tapşırıq yerinə yetirən pilotsuz katerlərdən biri radioelektron müdaxilə nəticəsində idarəetmədən çıxaraq Rumıniya sahillərinə istiqamətlənib.Hadisə iyunun 5-də səhər saatlarında Konstansa limanında, Rumıniya Dəniz Xilasetmə Agentliyinin qərargahı yaxınlığında qeydə alınıb. Təhlükəsizlik qüvvələri tərəfindən ərazi nəzarətə götürüldükdən sonra aparatın zərərsizləşdirilməsi prosesi zamanı partlayış baş verib.Məlumata görə, insident nəticəsində xəsarət alan olmayıb. Hadisədən sonra liman ətrafında xüsusi təhlükəsizlik tədbirləri görülüb, ərazi hüquq-mühafizə və hərbi qurumlar tərəfindən mühasirəyə alınıb.Rumıniya tərəfi partlayışla bağlı araşdırmaların davam etdiyini bildirib.
