Beliz və Palau bayrağı altında üzən, Türkiyədən Rostov-na-Donu istiqamətində hərəkət edən “Natra” və “Zirkon” adlı gəmilər iyunun 5-i səhər saatlarında Azov dənizində hücuma məruz qalıb.
Rusiya XİN-in sözçüsü Mariya Zaxarova bildirib ki, Azov dənizində “Natra” və “Zirkon” gəmilərinə edilən hücumla bağlı araşdırmalar aparılır və bu barədə Moskva ilə Bakı arasında əlaqə saxlanılır.Onun sözlərinə görə, hadisə nəticəsində ölən və yaralananlar arasında Azərbaycan vətəndaşları da var. Yaralı dənizçilərə Rusiya gəmisi və FTX-nin sərhəd xidməti tərəfindən ilkin yardım göstərilib.Zaxarova həyatını itirənlər üçün başsağlığı verib, yaralıların tezliklə sağalmasını arzulayıb və insidentin bütün detalları ilə araşdırıldığını vurğulayıb.O əlavə edib ki, ilkin məlumatlar gəmilərə Ukrayna dronları tərəfindən hücum edildiyini göstərir və Rusiya tərəfi həm Azərbaycan XİN, həm də Bakıdakı səfirliklə sıx təmasdadır. Moskva hadisənin aydınlaşdırılması və Azərbaycan vətəndaşlarının konsulluq dəstəyi ilə bağlı əməkdaşlığa hazırdır.
