Lənkəran rayonunda qeydə alınan yol qəzası bir nəfərin ölümü ilə nəticələnib.
Elpress.az xəbər verir ki, hadisə köhnə Ələt–Astara avtomobil yolunun Liman şəhəri ərazisindən keçən hissəsində baş verib.Məlumata görə, Zövlə kənd sakini, 64 yaşlı Elşad Kişi oğlu Salayevin idarə etdiyi “VAZ-2106” markalı minik avtomobili hərəkətdə olarkən qəfil istiqamətini itirərək yol kənarındakı ağaca çırpılıb, daha sonra isə kanala düşüb.Qəza nəticəsində sürücü hadisə yerində həyatını itirib. Onun nəşi müvafiq prosedurların həyata keçirilməsi üçün aidiyyəti qurumlara təhvil verilib.İlkin ehtimallara əsasən, sürücünün səhhətində yaranan problem qəzanın baş verməsinə səbəb olub. Bununla belə, ölümün və hadisənin dəqiq səbəbləri aparılacaq ekspertizadan sonra məlum olacaq.Hadisə ilə bağlı araşdırmalar davam etdirilir.
