Gəncə şəhərində baş verən kütləvi zəhərlənmə nəticəsində bir neçə nəfər, o cümlədən uşaqlar xəstəxanaya çatdırılıb.
Elpress.az xəbər verir ki, Gəncədə kütləvi zəhərlənmə hadisəsi qeydə alınıb. Məlumata görə, bu gün saat 18:00 radələrindən etibarən zəhərlənmə əlamətləri ilə təxminən 10 nəfər şəhərdəki tibb müəssisələrindən birinə müraciət edib.Gəncə Şəhər Birləşmiş Xəstəxanasının nəzdində fəaliyyət göstərən Abbas Səhhət adına Xəstəxananın Yoluxucu xəstəliklər şöbəsinə ilkin mərhələdə 8 nəfər – 3 kişi və 5 qadın hospitalizasiya olunub. Zərərçəkənlər arasında azyaşlıların da olduğu bildirilir.İlkin məlumata əsasən, xəstəxanaya yerləşdirilən şəxslər Nuriyə Rüstəmova (1962), Amin Teymurlu (1986), İ. Məmmədov (2017), Z. Hüseynova (2015), U. İsyaev (2020), Bənövşə Əliyeva (1963), Sevil Hüseynova (1987) və Mahirə İsmayılovadır (1983).Hadisənin səbəbi araşdırılır. Zəhərlənmənin hansı amildən qaynaqlandığı ilə bağlı hələlik rəsmi açıqlama verilməyib.
