Azərbaycan Respublikasının Baş Prokurorluğunda 2026-cı ilin ilk altı ayının yekunlarına həsr olunan geniş kollegiya iclasında prokurorluq orqanlarının fəaliyyəti və kadr məsələləri müzakirə olunub.
Elpress.az xəbər verir ki, iclasda bildirilib ki, hesabat dövründə aparılan xidməti yoxlamalar nəticəsində intizam qaydalarını pozan 8 prokurorluq əməkdaşı barəsində müvafiq tədbirlər görülüb. Onlardan 6 nəfərə töhmət və ya şiddətli töhmət verilib, 2 əməkdaş isə tutduğu vəzifədən azad edilib.Kollegiyada qeyd olunub ki, kadr siyasətinin təkmilləşdirilməsi istiqamətində də ardıcıl işlər davam etdirilib. Nümunəvi xidmətlərinə görə 110 prokurorluq işçisi mükafatlandırılıb.
Bununla yanaşı, prokurorluq orqanlarında vakant yerlərin komplektləşdirilməsi məqsədilə işə qəbul prosesinin davam etdirildiyi, cari ilin ilk yarısında 30 ştat vahidi üzrə 28-ci müsabiqənin elan olunduğu diqqətə çatdırılıb. Bu addımın peşəkar və hazırlıqlı kadrların prokurorluq orqanlarına cəlb edilməsinə xidmət etdiyi vurğulanıb.
