Araz Kərimli 6 min manat cərimə edilib, cəzası 3 min manatla əvəzlənib
Elpress.az xəbər verir ki, Səfərbərlik və Hərbi Xidmətə Çağırış üzrə Dövlət Xidmətinin Saatlı Rayon Şöbəsinin sabiq əməkdaşı Araz Kərimlinin cinayət işi üzrə məhkəmə prosesi başa çatıb.Cəlilabad Hərbi Məhkəməsində hakim Vüqar Əhmədovun sədrliyi ilə keçirilən iclasda iş üzrə hökm elan olunub.Məhkəmənin hökmü ilə Araz Kərimli 6 min manat məbləğində cərimə cəzasına məhkum edilib. Onun həbsdə olduğu müddət nəzərə alınaraq cəza 3 min manat məbləğində cərimə ilə əvəzlənib. Bununla da Kərimli məhkəmə zalından azadlığa buraxılıb.Araz Kərimli ötən il Baş prokuror yanında Korrupsiyaya qarşı Mübarizə Baş İdarəsinin keçirdiyi əməliyyat-axtarış tədbirləri zamanı saxlanılıb. Daha sonra Bakı Hərbi Məhkəməsinin qərarı ilə barəsində həbs qətimkan tədbiri seçilib.O, Cinayət Məcəlləsinin 312-1.1-ci maddəsi ilə, yəni vəzifəli şəxsin qərarına qanunsuz təsir göstərmə və ya nüfuz alverində ittiham olunub.
