Yolu keçmək istəyən piyadanın ölümü ilə nəticələnən qəza baş verib, sürücü saxlanılıb
Elpress.az xəbər verir ki, Biləsuvar şəhərində ölümlə nəticələnən yol-nəqliyyat hadisəsi baş verib.Hadisə zamanı 1992-ci il təvəllüdlü Hüseyn Cəfərlinin idarə etdiyi “VAZ-2107” markalı avtomobil yolu keçmək istəyən 1981-ci il təvəllüdlü Elçin Cabbarovu vurub. Ağır xəsarətlər alan piyada hadisə yerində həyatını itirib.İlkin məlumata görə, mərhum yaxınlıqdakı şadlıq saraylarından birində keçirilən toy mərasimində iştirak edib. O, mərasimdən çıxdıqdan sonra yolu qarşı tərəfə keçmək istəyərkən avtomobil tərəfindən vurulub.Hadisəni törətməkdə şübhəli bilinən avtomobilin sürücüsü saxlanılaraq istintaqa təhvil verilib. Meyit aidiyyəti üzrə təhvil verilib.Faktla bağlı araşdırma davam etdirilir.
