Yetkinlik yaşına çatmayan işçilərin əməyindən istifadə ilə bağlı xüsusi məhdudiyyətlər müəyyən edilib
Elpress.az xəbər verir ki, Azərbaycanda 18 yaşına çatmayan şəxslərin əmək fəaliyyətinə cəlb olunması ilə bağlı bir sıra qanuni məhdudiyyətlər mövcuddur.Əmək və Əhalinin Sosial Müdafiəsi Nazirliyinin məlumatına əsasən, bu yaş qrupunda olan işçilərin gecə növbəsinə, iş vaxtından artıq əməyə, istirahət və bayram günlərində işə cəlb edilməsi, həmçinin ezamiyyətə göndərilməsi qadağandır.16 yaşadək şəxslər üçün həftəlik iş vaxtı 24 saat, 16-18 yaş arasında olanlar üçün isə 36 saat müəyyənləşdirilib. Bu şəxslərlə əmək müqaviləsi bağlanarkən sınaq müddəti tətbiq edilmir və onlar attestasiyadan keçirilmir.Yetkinlik yaşına çatmayan işçilərə ən azı 35-42 təqvim günü müddətində əmək məzuniyyəti verilməlidir. Onların ağır çəkili əşyaların qaldırılması ilə bağlı işlərə cəlb olunmasına da yol verilmir.Bundan başqa, 18 yaşdan aşağı şəxslərin ağır və zərərli əmək şəraitində, yeraltı obyektlərdə, gecə klublarında və barlarda, eləcə də tütün, alkoqol, energetik içkilər və toksik maddələrin istehsalı, daşınması və satışı ilə bağlı işlərdə çalışması qadağandır.
