Bakıda əsasən yağmursuz hava, dağlıq rayonlarda yağış və şimşək gözlənilir
Elpress.az xəbər verir ki, Sentyabrın 20-də Azərbaycanda hava şəraitinin əsasən yağmursuz keçəcəyi gözlənilir.Bakıda və Abşeron yarımadasında hava dəyişkən buludlu olacaq. Gün ərzində əsasən yağıntı olmayacaq, mülayim şimal-qərb küləyi əsəcək. Temperaturun gecə 20-23°, gündüz isə 25-29° isti olacağı proqnozlaşdırılır. Atmosfer təzyiqi 763 mm civə sütunu, nisbi rütubət isə gecə 70-75%, gündüz 50-55% təşkil edəcək.Rayonlarda da havanın əsasən yağmursuz keçəcəyi bildirilir. Bununla yanaşı, bəzi dağlıq və dağətəyi ərazilərdə arabir yağış yağacağı, ayrı-ayrı yerlərdə yağışın qısamüddətli leysan xarakterli və intensiv olacağı ehtimal edilir. Həmçinin şimşək çaxması və dolu düşməsi mümkündür. Gecə və səhər saatlarında dağlıq ərazilərdə duman müşahidə ediləcək.Rayonlarda temperatur gecə 17-22°, gündüz 28-32° isti, dağlarda isə gecə 10-15°, gündüz 17-20° isti olacaq. Şərq küləyi əsəcək.
