Azərbaycanda yol təsərrüfatı sahəsində fəaliyyət göstərən bir neçə dövlət qurumu fəaliyyətini dayandırır. Bununla bağlı müvafiq qərarlar qəbul olunub.
Elpress.az-ın İqtisadiyyat.az-a istinadən verdiyi məlumata əsasən, Azərbaycan Avtomobil Yolları Dövlət Agentliyinin (AAYDA) tabeliyində fəaliyyət göstərən bir sıra yol istismarı müəssisələrinin ləğv edilməsi barədə qərarlar qəbul olunub. Müvafiq qərarlara əsasən, həmin qurumlar fəaliyyətlərini dayandırdıqlarını elan ediblər.Ləğv olunan müəssisələr sırasında “Bakı 1 №-li Yol İstismarı”, “Bakı 5 №-li Yol İstismarı”, “Bakı 6 №-li Yol İstismarı”, “Bakı 7 №-li Yol İstismarı”, “Bakı 8 №-li Yol İstismarı”, “Bakı 9 №-li Yol İstismarı”, “Bakı 10 №-li Yol İstismarı”, eləcə də “1 №-li Xüsusi Təyinatlı Yol İstismarı”, “17 №-li Xüsusi Təyinatlı Yol İstismarı” və “18 №-li Xüsusi Təyinatlı Yol İstismarı” MMC-ləri yer alır.Qeyd edək ki, bu, AAYDA sistemində həyata keçirilən ilk ləğvetmə prosesi deyil. Daha əvvəl də Avtomobil Yollarının Yaşıllaşdırılması və Regional Avtomobil Yollarının Yaşıllaşdırılması və Ekologiyası üzrə fəaliyyət göstərən bir sıra məhdud məsuliyyətli cəmiyyətlərin ləğvi ilə bağlı qərarlar qəbul edilmişdi. Son qərarla birlikdə agentliyin strukturunda növbəti optimallaşdırma mərhələsi həyata keçirilmiş olub.
