Aysel Əlibəyli
29 İyul 2026 · 10:31
1054 baxış
Rusiyada “Telegram” platformasının həmtəsisçisi Pavel Durovla bağlı yeni hüquqi qərar qəbul edilib.
Elpress.az xəbər verir ki, Rusiya Federal Təhlükəsizlik Xidməti (FSB) Pavel Durovun terrorçuluq fəaliyyətinə yardım göstərməkdə ittiham olunduğunu açıqlayıb.
Məlumata əsasən, bununla əlaqədar Durovun beynəlxalq axtarışa verilməsi proseduruna başlanılıb.
FSB iddia edir ki, “Telegram” platformasında Ukrayna xüsusi xidmət orqanlarının, eləcə də terrorçu və ekstremist qrupların istifadə etdiyi kanal, çat və botların fəaliyyəti davam edib və onların bağlanması istiqamətində kifayət qədər tədbir görülməyib.
Hazırda Rusiya hüquq-mühafizə orqanları faktla bağlı araşdırmaları davam etdirir.
