Rusiya Müdafiə Nazirliyi Ukraynada 14 yaşayış məntəqəsinin nəzarətə götürüldüyünü açıqlayıb
Elpress.az xəbər verir ki, Nazirlik həmçinin Ukrayna Silahlı Qüvvələrinin Xarkov vilayətində və Donetsk vilayətinin Dobropillya bölgəsində mühasirədən çıxmaq cəhdlərinin uğursuz olduğunu iddia edib. Qeyd olunub ki, Rusiya qoşunları həmin ərazilərdə mühasirəni gücləndirir.Rusiya Müdafiə Nazirliyinin açıqlamasına əsasən, son yeddi gün ərzində Rusiya Silahlı Qüvvələri Ukraynada 14 yaşayış məntəqəsinə nəzarəti ələ keçirib.Bundan başqa, hava hücumundan müdafiə sistemləri tərəfindən 34 hava bombası, 12 HIMARS mərmisi, 8 “Flamingo” raketi və 6011 pilotsuz uçuş aparatının məhv edildiyi bildirilib.Nazirlik Ukrayna Silahlı Qüvvələrinin bir həftə ərzində 8500-dən çox hərbçi itirdiyini də iddia edib. Bu məlumatlar Rusiya Müdafiə Nazirliyinin açıqlamasına əsaslanır.
