Türkiyə ilə əlaqələri inkişaf etdirən Qırğızıstanın xarici siyasət rəhbəri rəsmi görüşlər keçirmək üçün qardaş ölkəyə səfər hazırlığı görür.
Elpress.az xəbər verir ki, Qırğızıstanın xarici işlər naziri Canbek Kulubayev Türkiyəyə rəsmi səfər edəcək. Səfər iki ölkə arasında siyasi və diplomatik əlaqələrin müzakirəsi, eləcə də qarşılıqlı əməkdaşlığın daha da gücləndirilməsi məqsədi daşıyır.Qırğızıstan Xarici İşlər Nazirliyinin mətbuat xidmətinin yaydığı məlumata əsasən, səfər çərçivəsində Qırğızıstan və Türkiyənin xarici işlər nazirlərinin iştirakı ilə Strateji Planlaşdırma üzrə Birgə Qrupun 7-ci iclası keçiriləcək.Görüş zamanı tərəflərin ikitərəfli münasibətlərin mövcud vəziyyətini, gələcək əməkdaşlıq istiqamətlərini və regional məsələləri müzakirə edəcəyi gözlənilir.
