Pakistan, Türkiyə və Səudiyyə Ərəbistanının təmsil olunduğu Məkkə Müdafiə Paktı çərçivəsində Yəməndəki vəziyyətlə bağlı müzakirələr aparılacaq.
Elpress.az xəbər verir ki, Pakistanın xarici işlər naziri Məhəmməd İshaq Darın açıqlamasına görə, tərəflər gələn həftə Ər-Riyadda təcili görüş keçirəcəklər.
Danışıqların əsas mövzularından biri Yəməndə husilərlə bağlı yaranmış vəziyyət olacaq. Görüş zamanı İranın husilərlə siyasi dialoqun qurulmasına dair təklifi də gündəmə gətiriləcək.
İshaq Dar qeyd edib ki, İranın bu təşəbbüsü hələ rəsmi razılaşma statusu daşımır. Onun sözlərinə görə, təklif Tehran tərəfindən siyasi dialoqa yönəlmiş xoşməramlı yanaşma kimi irəli sürülüb.
Görüşdə əsas diqqətin Yəməndə gərginliyin azaldılması və vəziyyətin siyasi yollarla tənzimlənməsi imkanlarına yönəldiləcəyi bildirilir.
