Küveyt Beynəlxalq Hava Limanına edilən hücumun nəticələrinin aradan qaldırılması istiqamətində tədbirlər görülür.
Elpress.az AZƏRTAC-a istinadən xəbər verir ki, Küveytin Mülki Aviasiya Baş İdarəsi Küveyt Beynəlxalq Hava Limanının əsas sərnişin terminalının (T1) İranın pilotsuz uçuş aparatları və raketləri ilə vurulmasından sonra fövqəladə hallar planının aktivləşdirildiyini açıqlayıb.Məlumata görə, hücum nəticəsində hava limanının bir neçə obyektinə ciddi ziyan dəyib, həmçinin xəsarət alanların olduğu bildirilib.Rəsmi açıqlamada qeyd olunub ki, təhlükəsizlik səbəbindən Küveyt Beynəlxalq Hava Limanından həyata keçirilən bütün uçuşlar müvəqqəti dayandırılıb. Ölkəyə gələn təyyarələr isə növbəti göstəriş verilənədək alternativ hava limanlarına istiqamətləndirilib.Hazırda texniki, təhlükəsizlik və fövqəladə hallar qrupları zərərin miqyasını müəyyənləşdirir və infrastrukturun bərpası istiqamətində işlər aparırlar. Eyni zamanda, yaralanan şəxslərin vəziyyəti nəzarətdə saxlanılır, sərnişinlərin və hava limanı əməkdaşlarının təhlükəsizliyinin təmin olunması üçün əlavə tədbirlər görülür.Bununla yanaşı, Küveyt Müdafiə Nazirliyi ölkə vətəndaşlarına və əcnəbi sakinlərə müraciət edərək hava hücumlarının qarşısının alınması zamanı yaranmış qalıqlara, qəlpələrə və mənşəyi bilinməyən əşyalara yaxınlaşmamağı tövsiyə edib. Nazirlik belə predmetlərin təhlükə yarada biləcəyini vurğulayaraq, onların aşkarlandığı halda aidiyyəti qurumlara məlumat verilməsini istəyib.
