İordaniya Silahlı Qüvvələri İran tərəfindən buraxılan beş ballistik raketin hava hücumundan müdafiə sistemləri vasitəsilə məhv edildiyini açıqlayıb.
Elpress.az xəbər verir ki, İordaniya Silahlı Qüvvələri İranın ölkə ərazisinə doğru buraxdığı növbəti raket hücumunun qarşısının alındığını bildirib. Məlumata görə, hava hücumundan müdafiə sistemləri çərşənbə günü səhər saatlarında İran tərəfindən buraxılan beş ballistik raketi havada zərərsizləşdirib.
Silahlı Qüvvələrin Baş Komandanlığının nümayəndəsi əməliyyatın təsdiq edilmiş döyüş qaydalarına uyğun həyata keçirildiyini qeyd edib.
Xatırladaq ki, bundan əvvəl İran İslam İnqilabı Keşikçiləri Korpusu (SEPAH) İordaniya ərazisində yerləşən ABŞ-ın hərbi hava bazasına və ABŞ Silahlı Qüvvələrinin Mərkəzi Komandanlığının (CENTCOM) qərargahına ballistik raketlərlə zərbə endirdiyini açıqlamışdı.
