Britaniya Baş nazirinin ABŞ Prezidenti ilə görüşündə Yaxın Şərq və Ukrayna məsələlərini müzakirə edəcəyi gözlənilir
Elpress.az xəbər verir ki, Böyük Britaniyanın Baş naziri Endi Börnem sentyabrın 22-də ABŞ Prezidenti Donald Trampla görüşündə İranla münaqişənin mümkün qədər tez başa çatdırılmasının vacibliyini gündəmə gətirəcək.Börnem Nyu-York səfəri zamanı jurnalistlərə açıqlamasında münaqişənin qısa müddətdə sona çatmasını istədiklərini və bu istiqamətdə öz töhfələrini verməyə hazır olduqlarını bildirib.Britaniya hökumətindəki mənbələrə görə, Baş nazir ABŞ Prezidenti ilə münasibətlərin inkişafında daha az qarşıdurmalı yanaşmaya üstünlük verməyi və əvvəlki hökumətin siyasətindən fərqli xətt yürütməyi planlaşdırır.Börnemin BMT Baş Assambleyası çərçivəsində keçiriləcək görüşlərdə Yaxın Şərqdəki vəziyyət, Ukrayna münaqişəsi və süni intellektin inkişafı ilə bağlı məsələləri müzakirə edəcəyi gözlənilir.Baş nazirin BMT Baş Assambleyasındakı çıxışında əsas diqqəti süni intellekt mövzusuna yönəldəcəyi bildirilir.
