İspartada arı yuvasına isti su tökən mebel ustası faciləvi şəkildə həyatını itirdi
Elpress.az xəbər verir ki, Türkiyənin İsparta şəhərində emalatxanasında müştəriləri narahat edən eşşək arısı yuvasına isti su tökən mebel ustası Zafer Kaya faciə ilə üzləşib. Yuvadan çıxan arıların hücumuna məruz qalan və arı sancmasına qarşı allergiyası olan Kaya dərhal yaxınları tərəfindən xəstəxanaya çatdırılıb.Bir həftə boyunca reanimasiyada müalicə alan usta həkimlərin bütün səylərinə baxmayaraq vəfat edib. Təxminən 10 il əvvəl övladlarından birini dəm qazı zəhərlənməsindən itirən Kayanın dünyasını dəyişdiyi günün məhz doğulub boya-başa çatdığı ad günü olduğu ortaya çıxıb. Mərhumun cənazəsi qılınan namazdan sonra yerli qəbiristanlıqda torpağa tapşırılıb.
