Elektrik şəbəkəsində aparılacaq təmir və yenidənqurma işləri ilə əlaqədar avqustun 7-də Bakının bəzi ərazilərində və bir neçə rayonda elektrik enerjisinin verilişində müvəqqəti fasilələr yaranacaq.
Elpress.az xəbər verir ki, bu barədə “Azərişıq” ASC məlumat yayıb.Bildirilib ki, Xətai Rayon Enerji Təchizatı və Satışı İdarəsinin xidməti ərazisində yerləşən Abbas Səhhət, Aşıq Qurban, Marat Əmirxanov, İsgəndər Aznaurov, Rəşid Bağırov, Zakir Yusifov və Oqtay Vəliyev küçələrinin bir hissəsində saat 09:00-dan 17:00-dək elektrik enerjisinin verilişində məhdudiyyət olacaq.
Nərimanov rayonunda Yusif Vəzir Çəmənzəminli, Maqsud Əlizadə, Xan Şuşinski küçələrində, həmçinin Koroğlu Rəhimov və Aşıq Alı küçələrinin kəsişməsində yerləşən yaşayış ərazisində elektrik enerjisinin verilişi 09:00–13:00 saatlarında dayandırılacaq.
Suraxanı rayonunun Hövsan qəsəbəsində İlqar Əhlimanov küçəsinin bir hissəsində isə planlı fasilə 10:00–13:00 saatlarını əhatə edəcək.
Bundan başqa, Mingəçevir şəhərində, eləcə də Biləsuvar rayonunun bir sıra kənd və yaşayış məntəqələrində müxtəlif saatlarda elektrik enerjisinin verilişində məhdudiyyətlər tətbiq olunacaq.
“Azərişıq” bildirib ki, təmir və yenidənqurma işləri başa çatdıqdan sonra abonentlər daha keyfiyyətli və dayanıqlı elektrik enerjisi ilə təmin olunacaqlar.
