Elpress.az xəbər verir ki, TƏBİB-in nümayəndələri ilə ABŞ-nin “AldMD Technologies” şirkətinin təmsilçiləri arasında görüş keçirilib.
Görüş zamanı səhiyyə sahəsində süni intellekt texnologiyalarından və rəqəmsal həllərdən istifadə imkanları ətrafında fikir mübadiləsi aparılıb.Şirkət nümayəndələri həkimlə pasiyent arasında aparılan danışıqları strukturlaşdırılmış tibbi qeydlərə çevirən, həmçinin tibbi məlumatların təhlilinə imkan verən elektron səhiyyə platformasını təqdim ediblər.Tərəflər rəqəmsal texnologiyaların səhiyyə sisteminə inteqrasiyasının tibbi xidmətlərin keyfiyyətinin yüksəldilməsi, iş proseslərinin daha səmərəli təşkili və pasiyent məmnuniyyətinin artırılmasına mümkün təsirlərini müzakirə ediblər.
Görüş çərçivəsində gələcək əməkdaşlıq istiqamətləri və innovativ tibbi həllərin tətbiqi imkanları da nəzərdən keçirilib.
