Aysel Əlibəyli
05 Avqust 2026 · 13:56
1038 baxış
Tələbələr arasında xaric olunma göstəricisi yüksəlib: Son 4 ildə təhsil haqqını ödəyə bilməyənlərin sayı 43 faiz artıb
Elpress.az xəbər verir ki, 2025-ci ildə ümumilikdə 12 969 nəfər ali və orta ixtisas təhsili müəssisələrindən xaric edilib. Təhsildən uzaqlaşdırılanların 6 122 nəfəri təhsil haqqını ödəyə bilmədiyi, 684 nəfəri isə akademik borca görə təhsilini yarımçıq qoymaq məcburiyyətində qalıb.Statistikaya əsasən, təhsil haqqını ödəyə bilmədiyi üçün xaric olunanların sayı son 4 ildə 43% artaraq 2022-ci ildəki 4 280 nəfərdən 2025-ci ildə 6 122 nəfərə yüksəlib. Ötən il üzrə hər 100 tələbədən təxminən 3-ü təhsilini başa vurmadan sistemdən kənarda qalıb.
