Aysel Əlibəyli
01 Avqust 2026 · 11:11
1024 baxış
Ümummilli Lider Heydər Əliyevin qızı, bəstəkar Sevil Əliyeva Azərbaycanda yaşaması ilə bağlı yayılan suallara aydınlıq gətirib.
Elpress.az xəbər verir ki, Sevil Əliyeva sosial şəbəkə hesabında paylaşdığı müraciətdə ona ünvanlanan xoş sözlərə və dəstəyə görə hər kəsə təşəkkür edib.
O bildirib ki, uzun illər xaricdə yaşadığı üçün bir çox insan hələ də onu Azərbaycanın hüdudlarından kənarda hesab edir. Sevil Əliyeva qeyd edib ki, 2017-ci ildən etibarən Bakıda, ata evində yaşayır və həyatını doğma Vətənində davam etdirir.
Paylaşımının sonunda hər kəsə möhkəm cansağlığı, firavanlıq, xoşbəxtlik və uğurlar arzulayan Sevil Əliyeva ona göstərilən diqqət və sevgini yüksək qiymətləndirdiyini vurğulayıb.
